Dentro de la zona deportiva y de ocio de Collanzo, se ha realizado un conjunto de paneles de grandes dimensiones que están desglosados en dos modalidades:

• La fauna autóctona de Aller: estos paneles realizados mediante la técnica de grafitis (tipo fotografía ) por el artista asturiano Cesar Frey –El Séptimo Crio – retratan dicha fauna allerana , junto a unos textos relacionados con cada animal , escritos por el allerano Anxel Álvarez Llano. De este tema hablaremos en los próximos días.
• Mitología asturiana : en esta ocasión la artista asturiana María Fernández Rodríguez ha desarrollado unos dibujos de los personajes más conocidos de nuestra mitología , que recoge diversos personajes que todos guardamos recuerdos muy variados , desde el miedo que nos infundía en nuestra infancia el home del sacu a los actuales temores a otros personajes muy arraigados como puede ser las Bruxas o Diañu Burlon. En estos paneles ha colaborado el escritor allerano Anxel Álvarez Llano, con la pequeña historia de cada personaje

A continuación os damos unas descripciones en asturianu sobre la mitología asi como la biografía de los autores y del artista plástico.

MITOLOXÍA ASTURIANA

• El mitu ye un rellatu que trata sobre’l nacimientu, vida o dellos fechos de los antiguos dioses, semidioses y otros seres que representen a fuerces de la naturaleza, creyencies anteriores a la llegada del cristianismu.
• Los mitos y lleendes tresmitiéronse oralmente formando parte d’un acervu llexendariu que constituye una más de les herencies culturales. La tradición asturiana tresmitió l’alcordanza de dellos seres míticos mayormente rellacionaos coles fueces naturales que yá definíen los antiguos como son la tierra, l’agua, l’aire o’l fueu del llar. Nel imaxinariu míticu asturianu alcuéntrense seres como les xanes, el cuélebre, les serenes, los moros, el nuberu, el trasgu, el diañu burllón, el busgosu y l’home-llobu, ente otros, coles sos lleendes y asocedíos que perduren a lo llargo de los sieglos, contaos, sobre manera, a la lluz y calor del llar, centru de la vida familiar hasta fai poco.
• Delles creyencies y badagüeyos caltiénense na sociedá d’anguaño non solo nel mundu rural sinón tamién na sociedá urbana que recurre a videntes y horóscopos y cree na buena y la mala suerte.

Os adjunto parte de los textos que acompañan a estos dibujos

LES BRUXES

• Muyeres capaces de facer fechizos, que vuelen pel aire, maten a los nenos pa chupa-yos la sangre, practiquen el mal de güeyu pa facer dañu a persones y animales, tienen poderes adivinatorios y puen traer tou tipu de mal.
• Puen volar porque úntense con ungüentos máxicos cuando s’aconceyen p’adorar al diañu que tien forma de castrón.

EL MIEU DE LOS NENOS

• Son munchos los personaxes pa meté-yos mieu a los nenos desobedientes, que nun comen, que lloren o nun quieren dormir.
• Háilos que lleven a los nenos pa nun se sabe ónde metíos nuna fardela, como L’HOME DEL SACU.
• Háilos que comen a los nenos, como EL PAPÓN, xigantón cola boca grande, güeyos de fueu y un banduyu como fornu caliente. LA PAPARRESOLLA y LA ZAMPARRAMPA (nel conceyu d’Ayer Zampa Rabanca), pantasmes que meten mieu y traguen hasta’l resuellu, cola boca sangrando, les tripes fuera y el rabu arrastrando.

BIOGRAFÍA DEL AUTOR DE LOS TESTOS.

Pa que yo me llame Ánxel Álvarez Llano vi per primer vez el mundu en Bo, nel conceyu d’Ayer. Tuve una güela materna campesina, con escases tierres y la única patria posible, la llingua. D’ella aprendí’l vocabulariu más ricu del asturianu anque fízome falta pasar pela Facultá de Filoloxía d’Uviéu pa ser llicenciáu.

Dende los 15 años escoyí la poesía pa poder entender el mundu y nello sigo, publicando llibros como “Les agües muertes”, “Güéspede del silenciu”, “Vieyos fuebos, fresques cenices”, “Na mesma piedra”, “Ensin salir de casa”…

Rebusco na cultura tradicional asturiana, dientro d’un universu onde los astros van apagándose como la triste lluz d’una vela: los cantares, la mitoloxía, la etnografía, la toponimia, les lleendes… Y pa que la memoria nun seya olvidu cuéntolo na radio, nes revistes, nos periódicos, nos llibros.

Yo tamién soi freelance, moderna profesión pa los que nos dedicamos al mundu creativu, tan vieya como la de los caballeros medievales ingleses ensin un amu concretu. Oficiu de paciencia.

BIOGRAFÍA DE L’AUTORA DE LOS DIBUXOS

Mio madre contóme que nací n’Uviéu una xelada tarde de payares de 1972, el 27. Dende bien nena siempre taba dibuxando, si nun yera nes parés de mio casa yera nos llibros de mio padre y, con unos añinos más, dibuxaba con tiza nes aceres del mio barriu los personaxes de los dibuxos animaos de los 80. Yera como una minidibuxante que pintaba a la carta, lo que los mios amigos me pidíen. Unos años más tarde graduéme na Escuela d’Artes y Oficios d’Uviéu. Ya publicare con Trabe la mio primer novela illustrada, titulada “Lina”, de José Luis Rodríguez Alberdi; fice esposiciones itinerantes de Mitoloxía Asturiana I y II, con Cajastur; trabayé con delles editoriales asturianes como KRK, publicando ente 2004 y 2006 dalgunos llibros: “Reboltixo Mitolóxico”, “¿Quién ye la xana?” o “El fechizu protector”, toos n’edición billingüe. Tamién otros trabayos n’axencies de publicidá asturianes, diseñando personaxes pa una empresa d’artesanía asturiana, etc. En 2005 decido colar pa Barcelona, onde sigo desarrollando la mio activida profesional como “freelance”.

BIOGRAFÍA DE LA AUTORA

Mi madre me contó que nací en Oviedo una tarde helada de noviembre de 1972, el 27. Desde muy pequeña siempre he estado dibujando, si no era en las paredes de mi casa era en los libros de mi padre y ya con unos añitos más dibujaba con tiza en las aceras de mi barrio los personajes de dibujos animados de los 80. Era como una minidibujante que pintaba a la carta, lo que mis amigos me pedían. Años más tarde, me gradué en la Escuela de Artes y Oficios de Oviedo. Ya había publicado con Trabe mi primera novela ilustrada titulada “Lina” de J. Luis Rodríguez Alverdi, le siguieron exposiciones itinerantes de Mitología Asturiana I y II de Cajastur, trabajé con diversas editoriales asturianas, como KRK publicando entre 2004 y 2006 varios libros: “ Reboltixo mitoloxico” ,“¿Quién ye la xana?” o “El fechizu protector” todos en edición bilingüe. También le sucedieron otros trabajos en agencias de publicidad asturianas, diseñando personajes para una empresa de artesanía asturiana, etc. En 2005 decido irme a Barcelona, donde continúo desarrollando mi actividad profesional como freelance.